پاکستان : کورونا سے 24 گھنٹے میں کوئی ہلاکت نہیں ہوئی، 170 کیسزرپورٹ

تفصیلات کے مطابق  نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں مسلسل چوتھے روز  کوئی ہلاکت رپورٹ نہیں ہوئی ، ملک میں  اموات کی مجموعی تعداد 30ہزار 361ہے ۔

گزشتہ 24 گھنٹوں کے دوران170کیسز رپورٹ ہوئے  جس کے بعد کورونا کیسز کی مجموعی تعداد 15 لاکھ 26ہزار 093 ہوگئی ہے ۔ 

قومی ادارہ صحت  کے مطابق  ملک بھرمیں کوروناایکٹو کیسز کی تعداد9ہزار 198ہوگئی ، گزشتہ24گھنٹوں میں 70 افرادکوروناسےشفا یاب ہوئے  ہیں جبکہ  اب تک14لاکھ 86 ہزار534 مریض  کورونا سےصحت یاب ہوچکےہیں۔ 

قومی ادارہ صحت کے مطابق گزشتہ 24گھنٹوں میں کوروناکے28ہزار967ٹیسٹ کیےگئے  ہیں۔ پاکستان میں کوروناکےمثبت کیسزکی شرح0.58فیصدرہی۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔