کے پی کے اسمبلی: اپوزیشن اور پی ٹی آ ئی کے درمیان ہاتھا پائی

خیبرپختون خوا اسمبلی میں اپوزیشن و حکومتی اراکین کے درمیان شور شرابے کے بعد پیپلز پارٹی کی رکن اسمبلی نگہت اورکزئی کی صوبائی وزیر انور زیب کے ساتھ ہاتھا پائی ہوگئی۔

نگہت اورکزئی صوبائی وزیر انور زیب کے ساتھ تلخ کلامی کے دوران بےہوش ہوگئیں۔

وزیراعلی محمود خان خیبرپختون خوا نے بیچ بچاؤ کی کوشش کی۔

حکومتی اراکین کی جانب سے ایوان میں ’امریکا کا جو یار ہے غدارہے‘ اور’امپوپورٹیڈ حکومت مردہ باد‘ کے نعرے لگائے گئے۔

اپوزیشن نے محمود خان کیخلاف تحریک عدم اعتماد واپس لے لی

دوسری جانب اپوزیشن نے وزیراعلیٰ خیبر پختونخوا کے خلاف تحریک عدم اعتماد واپس لے لی۔ 
 
اے این پی کے پارلیمانی لیڈر سردار حسین بابک نے کہا ہے کہ متحدہ اپوزیشن صوبائی حکومت کو گرانا نہیں چاہتی۔

انہوں نے بتایا کہ تحریک عدم اعتماد جمع کرانے کا مقصد صوبائی اسمبلی کو تحلیل ہونے سے بچانا ہے۔