انتقامی کارروائی پر یقین نہیں رکھتے لیکن احتساب ضرور ہوگا : مریم نواز

تفصیلات کے مطابق پاکستان مسلم لیگ ن کی نائب صدر مریم نواز نے میڈیا سے گفتگو کرتے ہوئے کہا کہ ہم نے عوام کی جان ایک نااہل اور نالائق حکومت سے چھڑائی ہے ، ہم انتقام پر یقین نہیں رکھتے ہیں ،  انتقام نہیں ہوگا لیکن احتساب ضرور ہوگا، جو لاہور اور بنی گالہ تک مال گاڑی چلتی تھی اس کا حساب ہوگا۔

مریم نواز نے کہا کہ ابھی مسلم لیگ ن کی حکومت قائم نہیں ہوئی اثرات آنے لگ گئے، اسٹاک ایکسچینج بہتر ہورہا ہے،   روپے کی قدر میں بہتری آ رہی ہے، بزنس کمیونٹی کو اندازہ ہونا شروع ہو گیا ملک اب ترقی کرے گا۔ 

ان کا کہنا تھا کہ یہ پرانی والی مسلم لیگ ن نہیں ہے اگر ملک فتنہ پھیلانے کی کوشش کی گئی تو آہنی ہاتھوں سے نمٹا جائیگا۔

واضح رہے کہ قومی اسمبلی آج نئے وزیراعظم کا انتخاب  ہوگا ، نئے وزیر اعظم کے انتخاب کیلئے شہباز شریف متحدہ اپوزیشن کے متفقہ امیدوار ہیں جبکہ پاکستان تحریک انصاف نے شاہ محمود قریشی کو امیدوار نامزد کر دیا ہے۔