وزیر اعظم نے کورونا ویکسین لگوالی

تفصیلات کے مطابق   وزیراعظم عمران خان نے بھی کورونا ویکسین لگوالی۔وزیر اعظم عمران خان نے قوم سے اپیل کرتے ہوئے کہا کہ  کورونا وبا کی تیسری لہر کے پیش نظر ایس اوپیز پر مکمل عمل درآمد کو یقینی بنایا جائے ،ملک بھر میں کورونا ویکسین لگانے کی مہم جاری ہے۔ وزیراعظم نے کہا کہ  پہلے مرحلے میں ساٹھ سال اور اس سے زائد عمر کے افراد اور فرنٹ لائن ورکرز کو کورونا ویکسین فراہم کی جارہی ہے۔

چند روز قبل  صدر مملکت ڈاکٹر عارف علوی اور ان کی اہلیہ ثمینہ عارف کو وفاقی دارالحکومت کے ترلئی کے علاقے میں ایک ویکسینیشن سنٹر میں کورونا ویکسین لگائی گئی۔

صدر عارف علوی  نے حکومت کو قوم کو کورونا ویکسین  لگانے کی کوششوں کے ساتھ ساتھ اس کی سمارٹ لاک ڈاؤن پالیسی کی بھی تعریف کی۔

صدر عارف علوی نے بتایا کہ پاکستان میں عمر کے مطابق کورونا ویکسینیشن کی جارہی ہے۔  جبکہ  دنیا بھر کے اشرافیہ نے لائنیں توڑ دیں اورکورونا ویکیسین لگوائی۔