سعودی ولی عہداور سیکرٹری جنرل اقوام متحدہ کے درمیان ٹیلی فونک رابطہ

سعودی خبررساں ادارے کے مطابق یواین سیکرٹری جنرل نے سعودی عرب کے ولی عہد کے ساتھ گزشتہ روز ہونے والی ٹیلی فونک گفتگو میں تازہ ترین علاقائی و عالمی حالات و واقعات اور اس سلسلے میں اقوام متحدہ کے کردار بارے بات چیت کی ۔

گفتگو میں  عالمی امن کے لئے اقوام متحدہ کی کوششوں کا جائزہ بھی لیا گیا۔

سیکرٹری جنرل نے یمن کے بحران کے حل کے لیے فریقین کے درمیان جنگ بندی کروانے کی سعودی کوششوں کو سراہا ۔

خیال رہے کہ سعودی عرب نے یمنی صدر کے اختیارات نئی صدارتی کونسل کو منتقل کرنے کے فیصلے کا خیرمقدم کیا تھا ،  سعودی عرب نے اعلان کیا تھا کہ وہ یمن کے انسانی بحران  پر اقوام متحدہ کی امداد کے لیے 300 ملین ڈالر فراہم کرے گا۔

خبرایجنسی کے مطابق سعودی عرب  نے یمن کی معیشت کو سہارا دینے کے لیے ایک بین الاقوامی کانفرنس کا بھی مطالبہ کیا تھا ۔