تحریک انصاف  کا الیکشن کمیشن کے دوبارہ حلقہ بندیوں کے اقدام کو چیلنج کرنے کا فیصلہ

تفصیلات کے مطابق سماجی رابطے کی سائٹ ٹوئٹر پر اپنے پیغام میں  پی ٹی آئی رہنما فواد چوہدری نے کہا کہ نئی حلقہ بندیاں صرف اس صورت میں ممکن ہوتی ہیں جب نئی مردم شماری ہو۔

انہوں نے کہا کہ مردم شماری کے بغیر حلقہ بندیاں آئین کی سنگین خلاف ورزی ہو گی ۔ فواد چوہدری نے کہا کہ  الیکشن کمیشن انتخابی عمل کو متنازع بنانے کے مشن پر ہے۔

تحریک انصاف نےالیکشن کمیشن کے ملک بھر میں دوبارہ حلقہ بندیوں کے اقدام کو چیلنج کرنےکا فیصلہ کیا ہے،نئ حلقہ بندیاں صرف اس صورت میں ممکن ہوتی ہیں جب نئ مردم شماری ہو،مردم شماری کے بغیر حلقہ بندیاں آئین کی سنگین خلاف ورزی ہو گی۔ الیکشن کمیشن انتخابی عمل کو متنازعہ بنانے کے مشن پر ہے

— Ch Fawad Hussain (@fawadchaudhry) April 14, 2022

خیال رہے کہ الیکشن کمیشن نے صدر مملکت عارف علوی کے خط کا جواب دیتے ہوئے کہا تھا کہ الیکشن کا انعقاد اکتوبر میں ممکن ہوگا۔

واضح رہے ایوانِ صدر نے الیکشن کمیشن کو عام انتخابات کرانے سے متعلق خط لکھا تھا، خط میں قومی اسمبلی توڑنے کے90 دن میں الیکشن کرانے کی تاریخ دینے کا کہا گیا تھا۔