حکومت کا نیب قوانین میں ترمیم پر غور ، سیاسی کمیٹی قائم

تفصیلات کے مطابق  وفاقی حکومت نے نیب قوانین میں ترمیم پر غور شروع کردیا، وزیراعظم عمران خان نے دس رکنی سیاسی کمیٹی قائم کردی،  کمیٹی میں پرویز خٹک، شاہ محمود قریشی، فواد چوہدری، شیخ رشید شامل ہیں،شفقت محمود، عامر کیانی سیف اللہ نیازی شبلی فراز بھی سیاسی کمیٹی میں شامل ہونگے۔

جی این این کے مطابق  سیاسی کمیٹی روزانہ کی بنیاد پر وزیراعظم سے ملاقات کرے گی،  انتخابی اصلاحات، نیب قوانین میں ترامیم پر اپوزیشن سے مذاکرات کرے گی۔اپوزیشن سے مذاکرات کا ٹاسک  وزیر دفاع پرویز خٹک اور زیر خارجہ  شاہ محمود قریشی کے سپرد کردیا گیا۔

سیاسی کمیٹی معیشت، روزگار، ریلیف پیکجز اور سبسڈیز سے متعلق بھی تجاویز پیش کرے گی۔حکومت کا احساس پروگرام کے ذریعے غریب طبقے کو مختلف شعبوں میں براہ راست سبسڈی دینے پر بھی  غور جاری ہے۔