اسٹیٹ بینک نے مانیٹری پالیسی کا اعلان کردیا

تفصیلات کے مطابق  اسٹیٹ بینک آف پاکستان نے مانیٹری پالیسی کا اعلان کردیا،اسٹیٹ بینک نے شرح سود 7 فیصد پر برقرار رکھنے کا فیصلہ کیا ہے ، اسٹیٹ بینک نے مسلسل چوتھی بار شرح سود برقرار رکھی ہے۔

واضح رہے کہ  سٹیٹ بینک نےآخری بار جون 2020 میں شرح سود میں تبدیلی کی تھی،  جون 2020 میں شرح سود میں  فیصد کمی کی گئی تھی۔ جون 2020 میں شرح سود میں ایک فیصد کمی کی گئی تھی، جبکہ  مارچ 2020 سے شرح سود میں کل 6 اعشاریہ25 فیصد کی کمی کی گئی تھی۔

اسٹیٹ بینک کے مطابق  رواں مالی سال مہنگائی کی شرح 7 سے 9  فیصد کے درمیان رہے گی،ملک میں شرح نمو 3 فیصد ہے،جنوری میں مہنگائی  دو سال سے زیادہ عرصے کی پست ترین سطح پر رہی ہے، فروری میں مہنگائی میں تیزی سے اضافہ ہوا، بجلی کے نرخوں میں حالیہ اضافہ اور چینی و گندم کی قیمتوں میں اضافہ فروری میں مہنگائی کی رفتار بڑھانے کا سبب بنا، بجلی کی قیمتوں میں حالیہ اضافہ کے اثرات آئندہ مہینوں کے دوران بھی مہنگائی کی شکل میں ظاہر ہوں گے۔