بھار ت میں مسلمانوں پر مظالم کیخلاف امریکی پارلیمنٹ میں بھی آوازیں اٹھنے لگیں

تفصیلات کے مطابق  انسانی  حقوق کی خلاف ورزیوں پر بھارت پر  بین الاقوامی دباؤ بڑھنے  لگا۔ اقلیتوں خاص طور پر مسلمانوں   پر مظالم کے خلاف امریکی پارلیمنٹ میں بھی آوازیں اٹھنے لگیں۔امریکی سینیٹرز نے بھارت کو پابندیوں کی دھمکی دے دی۔

امریکی خارجہ امور کمیٹی  کے چیئرمین رابرٹ مینڈس نے  وزیر دفاع لوئیڈآسٹن کو خط  لکھ دیا۔خط میں امریکی سینیٹ کی خارجہ امور کمیٹی  نےمقبوضہ کشمیر میں انسانی حقوق کی پامالیاں روکنے اور کشمیر میں آرٹیکل 370 کے نفاذ اور ایس 400 میزائل نظام کی مخالفت کا مطا لبہ کردیا۔

 امریکی  خارجہ امور کمیٹی  نے بھارت میں مسلم مخالف رویے، مقبوضہ کشمیر  کی خصوصی حیثیت ختم کرنے  اور وادی کو جیل میں تبدیل کرنے کی  صورتحال پر  تحفظات  کا اظہار کر دیا۔

کمیٹی نے بھارت کی روس کے ساتھ ایس 400 دفاعی میزائل سسٹم کی خریداری کی منصوبہ بندی  پر  بھی  شدیدتشویش کا اظہار کیا  ہے۔ کمیٹی کے چیئرمین رابرٹ مینڈس کا  کہنا ہے کہ اس منصوبے کی وجہ سے

مستقبل میں امریکا اور بھارت کے دفاعی تعاون کو خطرہ لاحق ہوسکتا ہے  اوربھارت کی جانب سے دفاعی میزائل  کی خریداری  پرامریکی صدرجو بائیڈن  کی مخالفت کا سامنا کرنا پڑے گا۔انہوں نے بائیڈن انتظامیہ سے   سیکشن 231 کے تحت بھارت پر پابندیاں لگا نے کا  مطالبہ بھی کیا۔

امریکی خارجہ امور کمیٹی کے چیئرمین رابرٹ مینڈس نےامریکی وزیر دفاع سے  مطالبہ کر تے ہوئے کہا کہ  وہ بھارتی دورہ کے موقع پر مودی  حکام سےملاقات میں ساری  صورتحال پربات  کریں۔