راکھی ساونت کامحبت کرنے والوں کو اہم پیغام

دہلی: معروف بھارتی اداکارہ اور میزبان راکھی ساونت نے محبت کرنے والوں کو مشورہ دیتے ہوئے کہا کہ  کسی کی محبت میں اس حد تک پاگل نہیں ہونا چاہیے کہ آپ اپنے جسم پر اس کے نام کے نقش و نگار (ٹیٹو) کندہ کروائیں، جس کو بعد میں ان کو مٹانا مشکل ہوجاتا ہے۔

فوٹو اینڈ ویڈیوشیئرنگ ایپ انسٹاگرام پر راکھی ساونت نے ایک ویڈیو شیئر کی ہے جس میں دیکھا جا سکتا ہے وہ اپنے جسم پر موجوداپنے سابق شوہر رتیش کے نام کا ٹیٹو مٹوارہی ہیں اور لوگوں کو مشورہ دے رہی ہیں کہ اپنے جسم پر کسی کے نام کے نقش و نگار (ٹیٹو) کندہ نہ کروائیں۔

خیال رہے  کہ راکھی ساونت اور رتیش نے 2019 میں شادی کی، لیکن فروری 2022 میں دونوں میں علیحدگی ہو گئی تھی۔