دھرنے سے متعلق حتمی فیصلہ عمران خان کریں گے، شبلی فراز

پاکستان تحریک انصاف کے رہنما شبلی فراز کا کہنا ہے کہ ایف آئی آر درج کرنا پی ٹی آئی کے ورکرز کو ڈرانے دھمکانےکی بھونڈی کوشش ہے، ہم لانگ مارچ بھی کریں گے، دھرنے سے متعلق حتمی فیصلہ عمران خان کریں گے۔

اپنے بیان میں شبلی فراز نے کہا کہ ہم نے اسلام آباد سے اپنا ہدف حاصل کرکے ہی جانا ہے، عمران خان کی کردار کشی کے لیے ن لیگ نے دو انٹرنیشل فرمز کو ہائر کیا ہے۔

شبلی فراز نے کہا کہ فرح کو اگر عمران خان کی ذات کے ساتھ جوڑا جائے گا تو ہم اس کی وضاحت ضرور کریں گے، اسٹبلشمنٹ یا عدلیہ، کسی سے ذاتی ایشو نہیں ہے۔

پی ٹی آئی رہنما نے کہا کہ الیکشن کے لیے تمام اسٹیک ہولڈرز کے ساتھ رابطے کریں گے۔