لالی وڈ کی نئی فلم 'پیسہ ناچ نچائے' کی شوٹنگ کا لاہور میں آغاز

عبدالسلام علی سے 

لاہور: شباب اسٹوڈیو لاہور میں نئی فلم 'پیسہ ناچ نچائے' کی شوٹنگ کا آغاز ہوگیا۔ تقریب میں پاکستان فلم پروڈیوسرز ایسوسی ایشن کے چیئرمین میاں امجد فرزند، رائٹر ڈائریکٹر سید نور، صائمہ نور، عیسیٰ ارسلان، شہزاد رفیق، مسعود بٹ، صفدر ملک،۔ اور دیگر شریک ہوئے۔ 
 
فلم ڈائریکٹر رائٹر سید نور نے کہا کہ فلم کی کہانی حالات حاضرہ کے تقاضوں کے مطابق بنائی گئی ہے نئی کاسٹ خصوصاً نوجوانوں کو موقع دیا گیا ہے۔ 

فلم پروڈیوسرز ایسوسی ایشن کے چیئرمین میاں امجد فرزند نے کہا کہ سید نور انڈسٹری کا چمکتا دمکتا ستارہ ہیں نئی فلموں کا بننا خوش آئند ہے۔ 

میاں امجد فرزند نے فلم کی افتتاحی کلیپ دی جس کے بعد شوٹنگ کا باقاعدہ آغاز ہوا ،،  فلم  میں نوجوان اداکار عیسیٰ ارسلان لیڈ رول میں جلوہ گر ہوں گے۔