آئندہ بجٹ نوجوانوں کا بجٹ ہو گا : احسن اقبال 

تفصیلات کے مطابق لندن پہنچنے پر میڈیا سے گفتگو کرتے ہوئے وفاقی وزیر برائے منصوبہ بندی  احسن اقبال نے کہا کہ سابق حکومت نے سی پیک کو نظر انداز کیا ، عمران خان نے سی پیک کو سرد مہری کا شکار رکھا لیکن اب سی پیک کا ہر 15 روز میں جائزہ اجلاس ہو گا۔ 

انہوں نے کہا کہ چینی کمپنیوں کے مسائل ترجیحی بنیادوں پر حل ہوں گے اور سی پیک کے منصوبوں میں سکیورٹی مزید بہتر بنائیں گے۔

وفاقی وزیر نے کہا کہ سابقہ حکومت نے ترقیاتی بجٹ میں بڑی کٹوتی کی ہے۔ آئندہ بجٹ نوجوانوں کا بجٹ ہوگا،آئندہ بجٹ میں نوجوانوں کی تربیت کے منصوبے لائیں گے۔

 احسن اقبال نے کہا کہ نوجوانوں کو روزگار کے مواقع فراہم کریں گے، نوجوانوں کو کھیل اور تفریح کے مواقع فراہم کریں گے ، آئندہ بجٹ میں نوجوانوں کی تعلیم پر خصوصی توجہ دیں گے،آئندہ بجٹ میں ہائر ایجوکیشن کے لیے فنڈز بڑھائیں گے۔

انہوں نے کہا کہ تکمیل کے قریب منصوبے مکمل کرنا بھی ترجیح ہے، منصوبے تیزی سے مکمل کرکے عوام کو فائدہ پہنچائیں۔

انہوں نے کہا کہ آئندہ بجٹ بلوچستان میں ترقی کی رفتار تیز کرے گا،بلوچستان میں ترقی امن کی کوششوں کو کامیاب کرے گی۔