مریم نواز کو وی آئی پی سیکیورٹی دینے کا فیصلہ 

ذرائع کے مطابق وزارت داخلہ میں تھریٹ اسسمنٹ کمیٹی کی سفارش پر مریم نواز کو سیکیورٹی دینے کی منظوری دی گئی ہے۔ 

ذرائع کا بتانا ہے کہ مریم نواز کو پولیس کی سیکیورٹی کے ساتھ رینجرز اہلکاروں کی سیکیورٹی بھی دی جائے گی۔

ذرائع  کے مطابق تمام صوبائی حکومتوں کو اس حوالےسے آگاہ کر دیا گیا ہے ، مریم نواز کو سکیورٹی خدشات ہیں  لہذا سکیورٹی کے سخت اقدامات کئے جائیں۔ 

ذرائع نے کہا کہ دوسرے صوبوں کے اضلاع میں متعلقہ پولیس سیکیورٹی فراہم ہوگی ،  مریم نواز کی رہائش گاہوں پر بھی سیکیورٹی فراہم کی جائے گی۔