ڈالرانٹر بینک میں ملکی  تاریخ کی بلند ترین سطح پر آگیا

تفصیلات کے مطابق انٹر بینک اور اوپن مارکیٹ میں ڈالر کے مقابلے میں پاکستانی روپیہ کی قدر مزید گر گئی ، جس  کے بعد انٹر بینک میں ڈالر 190 روپے اور اوپن مارکیٹ میں 191.50 روپے کی سطح بھی عبور کر گیا۔

 گزشتہ روز انٹر بینک میں 188 روپے 66 پیسے پر بند ہوا تھا تاہم آج بھی کاروبار کے آغاز سے ہی ڈالر کی قیمت بڑھنے کا سلسلہ جاری رہا۔

دوسری جانب پاکستان اسٹاک ایکسچینج میں بھی کاروبار کا منفی رجحان جاری ہے اور 100 انڈیکس 600 سے زائد پوائنٹس کم ہو کر 42901 پرہے ۔ 

اوپن مارکیٹ میں کاروبار کا اختتام  ڈالر کی  ملکی تاریخ کی بلند ترین سطح پر بند ہوا ۔ اوپن مارکیٹ میں ڈالر 190 روپے سے بڑھ کر192 روپے 50 پیسے پر بند ہوا۔