جاوید آفریدی نے سری لنکن کرکٹ کو اسپانسر کرنے کی پیشکش کر دی

سماجی رابطے کی ویب سائیٹ ٹوئیٹر پر جاری پیغام میں جاوید آفریدی نے کہا کہ سری لنکا کے لوگ بھی کرکٹ سے اتنا ہی پیار کرتے ہیں جتنا ہم پاکستانی کرتے ہیں، ملک کی موجودہ صورت حال اتنی اچھی نہیں ہے جو کہ سری لنکن کرکٹ شائقین کے لیے تکلیف ہوئی ہوگی۔

انہوں نے اسپانسرشپ کی پیشکش کرتے ہوئے کہا کہ میں لنکن کرکٹ  کو عالمی کرکٹ کے میدان میں اپنی حیثیت کو برقرار رکھنے کے لیے اسپانسر کرنے کی مکمل حمایت کرتا ہوں۔

The people of Sri Lanka ??love cricket as dearly as we Pakistanis do but the current not so good situation must’ve hurt Lankans cricket fans. So I extend my full support to sponsor @OfficialSLC in best of my capacities to maintain their international status in world cricket area.

— Javed Afridi (@JAfridi10) May 14, 2022

واضح رہے کہ سری لنکا اس وقت شدید سیاسی بحران کا شکار ہے، بد امنی اور عوامی مظاہروں میں شدت کی وجہ سے سری لنکا کو بدترین معاشی بحران کا سامنا ہے، جس وجہ سے لنکن کرکٹ بورڈ بھی بدترین معاشی حالات کا شکار ہوا ہے۔