حکومت نے پیٹرولیم مصنوعات کی قیمتوں میں اضافے کی سمری مسترد کر دی

وزارت خزانہ کی جانب سے نوٹیفکیشن جاری کیا گیا ہے جس کے مطابق پیٹرول کی قیمت 149 روپے 86 پیسے اور ہائی اسپیڈ ڈیزل کی قیمت 144 روپے 15 پیسے فی لیٹر برقرار رکھی گئی ہے۔

نوٹیفکیشن کے مطابق مٹی کے تیل کی فی لیٹر قیمت 125 روپے 56 پیسے اور لائٹ ڈیزل کی قیمت 118 روپے31 پیسے فی لیٹر برقرار رکھی گئی ہے۔

قبل ازیں وزیر خزانہ مفتاح اسماعیل نے ایک پریس کانفرنس میں بتایا تھا کہ انہوں نے وزیراعظم شہباز شریف سے پیٹرولیم مصنوعات کی قیمتیں بڑھانے کا کہا جس پر وزیر اعظم کا کہنا تھا کہ پیٹرول کی قیمت مزید نہیں بڑھائیں گے۔