کالعدم لشکر اسلام کا سربراہ منگل باغ ننگرہار میں بارودی سرنگ دھماکے میں ہلاک

غیر ملکی خبر رساں ادارے کے مطابق  منگل باغ کے گھر کے باہر بارودی سرنگ نصب تھی، گھر سے نکلتے ہوئے دھماکے میں مارا گیا۔منگل باغ نے کالعدم تحریک طالبان پاکستان سے علیحدہ ہو کر اپنا دھڑا بنایا تھا۔منگل باغ کے گروپ کالعدم لشکر اسلام نے ابھی تک خبر کی تردید یا تصدیق نہیں کی۔

یاد رہے کہ ستمبر 2009 میں حکومت پاکستان نے منگل باغ کی زندہ یا مردہ گرفتاری پر 50 لاکھ انعام کا اعلان کیا تھا، امریکا نے بھی منگل باغ کی گرفتاری پر تین ملین ڈالر انعام کا اعلان کر رکھا ہے۔

دوسری جانب گورنر ننگرہار ضیاءالحق امر خیل نے منگل باغ کی ہلاکت کی تصدیق کردی۔