براڈ شیٹ معاملہ، ایف بی آر کا نیب کو نوٹس

تفصیلات کے مطابق  ‏براڈشیٹ کمپنی کو28.7ملین ڈالرجرمانےکی ادائیگی کا معاملے پر  فیڈرل بورڈ آف ریونیو (ایف بی آر ) نے قومی احتساب بیورو (نیب ) کو نوٹس جاری کردیا۔‏ایف بی آر نے نوٹس ڈائریکٹر جنرل نیب ہیڈ کوارٹرز کو جاری کیا۔

ایف بی آر کا کہنا ہے کہ  ‏انکم ٹیکس ایکٹ کےمطابق نیب ایف بی آرکو43 لاکھ ڈالرٹیکس جمع کرائے،‏براڈ شیٹ کو 28.7 ملین ڈالر کی رقم پر 43 لاکھ ڈالر  ٹیکس کاٹنا تھا،‏انکم ٹیکس ایکٹ کےمطابق نیب ایف بی آرکو43 لاکھ ڈالرٹیکس جمع کرائے،‏قواعد کےمطابق جرمانہ ادائیگی سےپہلے15فیصدودہولڈنگ ٹیکس کاٹناتھا۔

خیال رہے کہ 1999 میں جنرل پرویز مشرف نے کرپٹ سیاستدانوں  احتساب کے لیے قومی احتساب بیورو نیب  قائم کیا ۔  لہذا کمپنی براڈ شیٹ ایل ایل سی پہلی مرتبہ سال  2000 میں نیب کے لیے  کمپنی کی خدمات حاصل کی تھیں اور کمپنی کے ساتھ مبینہ ناجائز طور پر کمائی گئی دولت کے ذریعے خریدے گئے غیرملکی اثاثوں کا پتہ لگانے کے لئے معاہدہ کیا گیا تھا،2003 میں پاکستان حکومت نے یہ معاہدہ یکطرفہ طور پر ختم کر دیا جس پر براڈ شیٹ ایل ایل سی نے حکومت پاکستان اور نیب کے خلاف لندن ہائی کورٹ میں جرمانے کا دعویٰ کر دیا۔

20 مئی 2008 میں براڈ شیٹ کیساتھ سیٹلمنٹ، 1.5 ملین ڈالرز کی ادائیگی ہوئی،2009 میں معلوم ہوا کہ  ادائیگی  ایسے شخص کو کی گئی جس کا تعلق اس کمپنی سے نہیں تھا ۔ 2009سے 2016 تک یہ مقدمہ چلتا رہا  ، براڈشیٹ کےساتھ جنوری2016 میں لائیبلٹی کا کیس شروع ہوا،ہائیکورٹ  فیصلے پر حکومت پاکستان نے جولائی 2019 کو اپیل فائل کی ، اس کا فیصلہ براڈشیٹ کے حق میں آیا۔

پی ٹی آئی کی حکومت آنے کے بعد جولائی 2019 میں پاکستان نے فیصلے کے خلاف اپیل بھی دائر کی مگر فیصلہ تبدیل نہیں ہوا ۔ 31 دسمبر 2020 کو ثالثی عدالت کے فیصلے کی روشنی میں نیب نے براڈ شیٹ کو  2کروڑ 87لاکھ ڈالرزجرمانہ ادا کیا اور وزیر اعظم عمران خان نے13 جنوری کو ایک ٹویٹ میں  کہاکہ براڈ شیٹ سے ہم اپنی اشرافیہ کی منی لانڈرنگ اور تحقیقات رکوانے والوں کے حوالے سے مکمل شفافیت چاہتے ہیں اور 19جنوری کو وفاقی کابینہ نے براڈ شیٹ کے  معاملے پر ریٹائرڈ جج کی سربراہی میں انکوائری کمیٹی قائم کرنے کی منظوری  دی  یہ کمیٹی 45 روز میں تحقیقات مکمل کرے گی۔