قومی باکسر محمد وسیم کا فکسنگ سے متعلق بڑا انکشاف

  باکسنگ کی دنیا میں بھی فکسنگ کی گونج، قومی پروفیشنل باکسر محمد وسیم نے اہم انکشاف کر دیا۔انہوں نے کہا کہ 2017 میں ورلڈ ٹائٹل فائٹ ہارنے کیلئے فکسنگ کی پیشکش ہوئی تھی، ہمسایہ ملک نے ایک لاکھ پاؤنڈ کی آفر دی جو سچا پاکستانی ہونے کے ناطے ٹھکرا دی تھی۔

محمد وسیم کا کہنا ہے کہ رواں سال کے اختتام پر وہ ورلڈ ٹائٹل فائٹ کرنے جا رہے ہیں،ایک بار پھر ہمسایہ ملک سے آفرز آنے کا سلسلہ شروع ہو گیا ہے تاہم وہ ٹائٹل فائٹ جیت کر پاکستان کا نام روشن کرنے کیلئے پر عزم ہیں۔

محمد وسیم نے کہا کہ جو فکسنگ کے لئے مجھے اپروچ کرنے کی کوشش میں مصروف ہیں، انہیں واضح طور پر کہنا چاہتا ہوں کہ جو مکا رنگ میں برساتا ہوں وہ فکسرکےمنہ پر ماروں گا۔

یاد رہے کہ 2017 میں ورلڈ باکسنگ کونسل کی جاری کردہ رینکنگ میں پاکستانی باکسر محمد وسیم کو فلائی ویٹ کیٹیگری میں عالمی نمبر ایک باکسر قرار دیا گیا تھا۔