ایف آئی اے کی کارروائی،جعلی ویزہ کے کاروبار میں ملوث چار ملزم گرفتار

تفصیلات کے مطابق  فیڈرل انویسٹی گیشن  (ایف آئی اے) اینٹی  ہیومن ٹریفکنگ سرکل نے صدیق ٹریڈ  سینٹر میں کارروائی کرتے ہوئے  جعلی ویزہ کے کاروبار میں  ملوث اے اینڈ ایچ ٹریول کا دفتر سیل کردیا اور  چار ملزم گرفتار بھی کرلیے۔ ملزموں میں   عاصم ریاض، محمد وسیم، وقاص صدیق اور حسن شہباز  شامل ہیں ۔ملزموں کے خلاف مقدمہ درج کرلیاگیا۔

ایف آئی اے کا کہنا ہے کہ   124پاسپورٹ ،فائلیں  2 لیب ٹاپ اور 5 کمپیوٹر قبضے میں لے لیے ہیں ، اے اینڈ ایچ ٹریول کے پاس اوور سیز ایمپلائمنٹ کے کاروبار کا کوئی لائسنس موجود نہیں ہے ، جعلی ترکی ویزے پر ڈی پورٹ ہونے والے مسافر کی نشان دہی پر  کارروائی کی گئی ہے۔