پنجاب اسمبلی اجلاس، اسپیکر اور گورنر پنجاب آمنے سامنے

تفصیلات کے مطابق گورنر پنجاب محمد بلیغ الرحمان نے پنجاب اسمبلی کا 40واں اجلاس برخاست کرتے ہوئے اسمبلی کا 41 واں اجلاس ایوان اقبال میں سہ پہر 3 بجے طلب کرلیا ہے۔

دوسری جانب اسپیکر پنجاب اسمبلی چودھری پرویز الٰہی نے پنجاب اسمبلی کا اجلاس بدھ سہ پہر 1 بجے تک ملتوی کرتے ہوئے کہا تھا کہ بدھ کو ایوان میں بجٹ پیش کیا جائے گا۔

اس سے قبل اسپیکر چودھری پرویز الٰہی کی زیر صدارت پنجاب اسمبلی کا اجلاس آٹھ گھنٹے 41 منٹ کی تاخیر سے شروع ہوا، اسمبلی میں وزیر اعلیٰ حمزہ شہباز کا 20 منٹ انتظار کرنے کے بعد اجلاس شروع کیا گیا تھا۔