بلاول بھٹو کی ایرانی صدر کودورہ پاکستان کی دعوت

وزیرخارجہ بلاول بھٹو نے ایرانی صدر کو وزیراعظم پاکستان کا تہنیتی پیغام پہنچایا، انہوں نے کہا ایران سے دوطرفہ تعلقات مزید مضبوط بنانے کے خواہش مند ہیں، ملاقات میں وزیر خارجہ نے ایرانی جیلوں میں پاکستانی قیدیوں کی رہائی کا معاملہ بھی اٹھایا۔

اس موقع پر بلاول بھٹو نے کہا کہ اقتصادی اورتوانائی کے شعبوں میں دو طرفہ تعاون بڑھانا ضروری ہے، علاقائی روابط، بارٹر ٹریڈ کو فعال کرنے کے لیے رابطوں کا تسلسل اہم ہے۔

ایرانی صدر نے کہاکہ پاکستان اور ایران کے درمیان تاریخی روابط اور مضبوط برادرانہ تعلقات ہیں، ایران پاکستان کےساتھ اپنے اقتصادی اور تجارتی تعلقات کو بہت اہمیت دیتا ہے۔