امریکا میں پاکستانی سفیر کی صدر جوبائیڈن سے ملاقات

پاکستانی سفارت خانے کی جانب سے جاری کردہ اعلامیے کے مطابق ملاقات میں امریکی صدرجو بائیڈن نے  پاک امریکا تعلقات مضبوط بنیادوں پر آگے بڑھانے کے عزم کا اظہار کیا ۔

امریکی صدر نے کہا ہے کہ  پاک امریکا تعلقات آگے بڑھانے کے لیے ٹھوس بنیادیں قائم کرنے  کے خواہش مند ہیں۔

اس موقع پر سردار مسعود خان نے کہا کہ پاکستان سیکیورٹی ، تجارت، سرمایہ کاری اور ثقافت سمیت تمام میدانوں میں امریکا کے ساتھ مل کر کام کرنے کا خواہاں ہے۔

پاکستانی سفیر نے روایتی فوٹو سیشن میں شرکت کی ۔ دیگر ممالک کے46 سے زائد سفیر بھی روایتی فوٹو سیشن میں موجود تھے ۔  امریکی صدر جوبائیڈن نے ہر سفیر کے ساتھ الگ الگ تصویر بنوائی۔

خیال رہے کہ کورونا کے باعث کئی سفیر ایک سال سے صدر جوبائیڈن سے ملاقات کے منتظر تھے۔مسعود خان 25 مارچ کو واشنگٹن پہنچے تھے اور  اپنی اسناد سفارتی چیف آف پروٹوکول کو دی تھیں جنہیں 19 اپریل 2022 کو باضابطہ طور پر قبول کرلیا گیا تھا۔