یہ حکومت رات کی تاریکی میں عوام کی جیب پر ڈاکہ  ڈالتی ہے : اسد عمر

تفصیلات کے مطابق  سماجی رابطے کی ویب سائٹ ٹوئٹر پر جاری  ایک بیان میں پاکستان تحریکِ انصاف (پی ٹی آئی) کے رہنما اور سابق وفاقی وزیر اسد عمر نے پٹرولیم مصنوعات کی قیمتوں میں اضافے پر ردعمل دیتے ہوئے کہا ہے کہ ڈاکو رات کی تاریکی میں گھر میں داخل ہو کر ڈاکا ڈالتے ہیں ۔

انہوں نے کہا  کہ ڈاکوؤں کی طرح یہ امپورٹڈ حکومت  رات کی تاریکی میں عوام کی جیب پر پیٹرول اور ڈیزل کی قیمتوں کا ڈاکہ ڈالتی ہے۔

جیسے ڈاکو رات کی تاریکی میں گھر میں داخل ہو کر ڈاکا ڈالتے ہیں، اسی طرح امپورٹڈ حکومت رات کی تاریکی میں عوام کی جیب پر پیٹرول ڈیزل کی قیمتوں کا ڈاکا ڈالتی ہے. #امپورٹڈ_حکومت_نامنظور

— Asad Umar (@Asad_Umar) June 16, 2022

واضح رہے کہ موجودہ حکومت نے ایک ماہ کے دوران تیسری بار پٹرولیم مصنوعات کی قیمتوں میں اضافہ کیا ہے ۔ گزشتہ رات حکومت نے پیٹرول 24 روپے 3 پیسے جبکہ ڈیزل 59 روپے 16 پیسے فی لیٹر مہنگا کرنے کا اعلان کیا ۔ یٹرولیم مصنوعات کی نئی قیمتوں کا اطلاق بدھ اور جمعرات کی درمیانی رات 12 بجے سے ہوگیا۔