سابق صدرپرویز مشرف کو پاکستان لانے کا فیصلہ کر لیا گیا

تفصیلات کے مطابق سابق صدر جنرل ریٹائرڈ پرویز مشرف کو پاکستان لانے کا فیصلہ ہو گیا ہے، سابق صدر کے خاندانی ذرائع کا کہنا ہے کہ انہیں آج رات ایئر ایمبولینس کے ذریعے اسلام آباد لایا جائے گا۔

خاندانی ذرائع کے مطابق ڈاکٹرز کی جانب سے سابق صدر کو سفر کی اجازت دے دی گئی ہے جس کے بعد انہیں پاکستان لانے کا فیصلہ کیا گیا ہے۔

ذرائع نے بتایا ہے کہ سابق صدر کی وطن واپسی کے لیے ایئر ایمبولینس کا انتظام کیا جا رہا ہے، انہیں ہفتہ اور اتوار کی درمیانی شب کسی بھی وقت پاکستان لایا جا سکتا ہے۔

سابق صدر جنرل ریٹائرڈ پرویز مشرف کو پاکستان لانے کا فیصلہ ہو گیا #PervezMusharraf #GNN pic.twitter.com/J4VVkBAvCC

— GNN (@gnnhdofficial) June 17, 2022

ذرائع کے مطابق پاک فوج کی جانب سے وطن واپسی کی پیشکش اور حکومتی رضامندی کے بعد سابق صدر کے بچوں اور دیگر اہل خانہ کی جانب سے انہیں وطن واپس لانے کا فیصلہ کیا گیا ہے۔