بجلی مزید مہنگی ہونے کا امکان ,سی پی اے کی 7 روپے 96 پیسے فی یونٹ بجلی مہنگی کرنے کی درخواست

اسلام آباد :سنٹرل پاور پرچیزنگ ایجنسی نے ماہانہ فیول پرائس ایڈجسٹمنٹ کی مد میں بجلی کی قیمتوں میں7 روپے 96 پیسے فی یونٹ اضافہ کی درخواست دے دی ہے ۔

 نیشنل الیکٹرک پاور ریگولیٹری اتھارٹی (نیپرا) کےحوالے سے بتایا کہ سی پی اے نے مئی کی ماہانہ فیول پرائس ایڈجسٹمنٹ کی مد میں درخواست کی ہے  جس پر سماعت 27 جون کو ہوگی ،درخواست میں مؤقف اختیار کیا گیا ہے کہ مئی میں فرنس آئل سے 8.80 فیصد بجلی پیدا کی گئی اور فرنس آئل سے 33 روپے 67 پیسے فی یونٹ بجلی پیدا ہوئی،مقامی گیس سے 10 فیصد، درآمدی ایل این جی سے22.89 فیصد اور پانی سے 24.50 فیصد بجلی پیدا کی گئی۔

مئی کے لیے ریفرنس لاگت 5 روپے93 پیسےفی یونٹ مقررتھی مگر سی پی پی اے کی جانب سے درخواست7 روپے 96 پیسے فی یونٹ کی دی گئی ہے۔