ایف اے ٹی ایف ایکشن پلان پر عملدرآمد بڑی کامیابی ہے، آرمی چیف

آرمی چیف جنرل قمر جاوید باجوہ نے کہا ہے کہ ایف اے ٹی ایف ایکشن پلان پر عملدرآمد بڑی کامیابی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے کہا ہےکہ جی ایچ کیو میں قائم سیل نے قومی کوششوں کو آگے بڑھایا، سول ملٹری لیڈرشپ کے باہمی تعاون نے عملدرآمد کو ممکن بنایا، پاکستان کو ان پر فخر ہے۔

انہوں نے کہا کہ ایکشن پلان پرعمل سے پاکستان کی وائٹ لسٹ کی راہ ہموارہوئی۔

خیال رہے کہ پاکستان نے گرے لسٹ سے نکلنے کے لیے فنانشل ایکشن ٹاسک فورس (ایف اے ٹی ایف) کی تمام شرائط پوری کر دی۔

جرمنی کے شہر برلن میں ہونے والے اجلاس میں پاکستانی وفد کی قیادت وزیر مملکت برائے خارجہ امور حنا ربانی نے کی۔

ایف اے ٹی ایف کے صدر ڈاکٹر مارکس میڈیا بریفنگ میں بتایا ہے کہ پاکستان کو مزید اقدامات کرنے کی اب ضرورت نہیں ہے،پاکستان نے دونوں ایکشن پلان پر وقت سے پہلے عملدرآمد کیا،2 سال میں 5بارانسداد دہشتگری کے اقدامات کاجائزہ لیا گیا۔

انہوں نے بتایا کہ پاکستان نے دہشتگردوں کی مالی معاونت اور منی لانڈرنگ روکنے میں پیشرفت کی ،کورونا نے ایف اے ٹی ایف کے اہداف کو متاثر کیا۔

ان کا کہنا تھا کہ ایف اے ٹی ایف کا وفد جلد پاکستان کا دورہ کرے گا جس کے بعد شرائط کی تکمیل کی تصدیق کی جائے گی۔

Completion of FATF AML /CFT action plans by Pak is a great achievement. A monumental effort paving way 4 whitelisting. “Core cell @ GHQ which steered the national effort & civil - military team which synergised implementation of action plan made it possible, making Pak proud”COAS

— DG ISPR (@OfficialDGISPR) June 17, 2022