مریم نواز کی پیشی ، نیب نے تیاریاں مکمل کرلیں

تفصیلات کے مطابق  مریم نواز  کی پیشی کے موقع پر  نیب نے تیاریاں مکمل کرلیں۔ مریم نواز کی پیشی کے موقع پر کرونا ایس او پیز کا مکمل خیال  رکھا جائے گا، تفتیش ٹیم اور مریم نواز کے درمیان شیشے کا گلاس لگایا جائے گا، مریم نواز کوکل  11 بجے طلب کیا ہے، مریم نواز سے پہلے چوہدری شوگر مل انکوائری میں تفتیش کی جائے گی۔

جی این این کے مطابق  مریم نواز سے چوہدری شوگر مل میں 10 سوالات پر مشتمل سوالنامہ دیا جائے گا، 3 غیر ملکی شخصیات سے شئیرز کی خریدوفروخت اور 2 کاروباری شخصیات سے مراسم بارے پوچھا جائے گا۔مریم نواز سے جاتی عمرہ کیس میں 7 سوالات پوچھے جائیں گے، مریم نواز سے جاتی عمرہ اراضی خریدنے کےلیے رقم کہاں سے آئی پوچھا جائے گا۔مریم نواز سے انکم، ٹیکس اور حاصل کیے گیے تحائف بارے پوچھا جائے گا  اسکے علاوہ   مریم نواز سے سورس آف انکم اور سرمایہ سے متعلق سوالات ہوں گے۔

واضح رہے کہ  قومی احتساب بیورو (نیب ) لاہور نے مسلم لیگ ن کی مرکزی نائب صدر مریم نواز کو 26 مارچ کو طلب کیا ہے۔ مریم نواز کی پیشی کے موقع پر امن و امان کی صورتحال برقرار رکھنے کے لیے لاہور آفس کے اطراف کا علاقہ ریڈ زون قرار دے دیا گیا اور نیب لاہور کی سیکورٹی رینجرز کے سپرد کر دی گئی ہے۔