ریپ کا شکار خواتین کے ٹو فنگر ٹیسٹ سے متعلق سپریم کورٹ کا اہم فیصلہ

تفصیلات کے مطابق  سپریم کورٹ آف پاکستان کا   ٹو فنگر ٹیسٹ سے متعلق اہم فیصلہ، سپریم کورٹ آف پاکستان نے اپنے فیصلے میں کہا ہے کہ  ٹو فنگر ٹیسٹ قابل قبول شہادت نہیں ہے،  ڈاکٹرز ریپ کا شکار خواتین کا ٹو فنگر ٹیسٹ نہیں کرسکتے،  آئین پاکستان ہر فرد کی عزت و تکریم کی ضمانت دیتا ہے۔

سپریم کورٹ کا فیصلے میں مزید کہنا ہے کہ  ٹو فنگر ٹیسٹ سے خواتین کی عزت و تکریم متاثر ہوتی ہے، سپریم کورٹ نے ریپ کیس میں عمر قید عاطف نزیر اور شیر باز کی اپیلیں خارج کر دیں،عدالت نے شریک ملزم نفیس احمد کی سزا کا لاہور ہائیکورٹ کا فیصلہ کالعدم قرار دے دیا ۔

عدالت نے مفرور ملزمان ساجد حسین عرف جاجی اور وقاص حمید کو گرفتار کرنے کا حکم بھی دے دیا۔آئی جی پنجاب سے سپریم کورٹ کے احکامات پر عملدرآمد رپورٹ ایک ماہ میں طلب کر لی گئی۔

جسٹس منصور علی شاہ نے گیارہ صفحات پر مشتمل فیصلہ تحریر کیا  ہے،عاطف نزیر سمیت 5 افراد راولپنڈی میں لڑکی کے ریپ کے مجرم ہیں۔