مہنگائی کا طوفان آگیا ہے،میاں صاحب این آر او 2 لے کر لڈیاں ڈال رہے ہیں:فرخ حبیب

تحریک انصاف کے رہنما فرخ حبیب نے سماجی رابطے کی ویب سائیٹ ٹوئیٹر پر رہنما مسلم لیگ ن مریم نواز کے ٹوئیٹ پر رد عمل کا اظہار کرتے ہوئے کہا کہ فسادی رانی جھوٹی ہے اور ہمیشہ جھوٹی رہے گی۔

انہوں نے مریم نواز کے حوالے سے کہا کہ وہ کہتی تھیں ایک روپیہ قیمت میں اضافہ ہوتا ہے تو میاں صاحب کے دل میں تکلیف ہوتی ہے، یہاں مہنگائی کا طوفان آگیا ہے اور میاں صاحب این آر او 2 لے کر لڈیاں ڈال رہے ہیں۔

سابق وزیر مملک فرخ حبیب نے مزید کہا کہ تم لوگوں نے اپنے اقتدار کی خاطر عوام سے دو وقت کی روٹی بھی چھین لی ہے۔

فسادی رانی جھوٹی ہے اور ہمیشہ جھوٹی رہے گی
کہتی تھی ایک روپیہ قیمت میں اضافہ ہوتا میاں صاحب کے دل میں تکلیف ہوتی ہے یہاں مہنگائی کا طوفان آگیا ہے اور میاں صاحب NRO 2 لے کر لڈیاں ڈال رہے ہے۔
تم لوگوں نے اپنے اقتدار کی خاطر عوام سے دو وقت کی روٹی بھی چھین لی ہے۔ شرم کرو https://t.co/rKGVIAGHiX

— Farrukh Habib (@FarrukhHabibISF) June 18, 2022

واضح رہے کہ مریم نواز نے اپنے ٹوئیٹ میں کہا تھا کہ آج ہمیں جن پہاڑ جیسے مسائل کا سامنا ہے وہ فتنہ خان کے پیدا کردہ ہیں، مہنگائی کے خلاف احتجاج کی کال دراصل ان کے اپنے خلاف احتجاج ہے۔