سال کے آخر تک تیل کی قیمت 65 ڈالر فی بیرل تک گرنےکی پیش گوئی

 امریکی ماہرین نے رواں سال کے آخری میں  تیل کی قیمت گرنے کی پیش گوئی کردی۔

امریکی مالیاتی ادارے سٹی گروپ نے خبردار کیا ہے کہ کساد بازاری کی صورت میں رواں سال کے آخر تک خام تیل کی قیمت 65 ڈالر فی بیرل تک گر سکتی ہے جبکہ 2023 کے آخر تک قیمت 45 ڈالر فی بیرل تک نیچے آنے کا امکان بھی ہے۔

بلومبرگ  کے مطابق سٹی گروپ، فرانسسکو مارٹوشیا اور ایڈ مورس نے مشترکہ رپورٹ  میں 70 کی دہائی کے بحران اور موجودہ مارکیٹ کی صورتحال کا موازنہ  کیا  ہے۔

ماہرین کا کہنا ہے کہ  اگر تیل پیدا کرنے اور برآمد کرنے والی تنظیم اور اس کے اتحادیوں کی جانب سے کوئی مداخلت نہ کی گئی یا پھر سرمایہ کاری میں کمی کی گئی تو متذکرہ صورت حال مزید بھی شدت اختیار کر سکتے ہیں۔

تجزیہ کاروں کا کہنا ہے تاریخی شواہد بتاتے ہیں کہ صرف عالمی کساد بازاری کی صورت میں تیل کی طلب منفی ہو جاتی ہے جبکہ دیگر کساد بازاریوں میں عام طور پر ایک خاص حد تک گرتی ہیں۔