نیپرا نے بجلی مزید مہنگی کرنے کی منظوری دے دی

تفصیلات کے مطابق نیپرا نے بجلی کی فی یونٹ قیمت میں مزید 1 روپے 55 پیسے اضافے کی منظوری دے دی ہے، بجلی کی قیمت بڑھانے کا فیصلہ وفاقی حکومت کو بھیج دیا گیا ہے۔

نیپرا کے مطابق بجلی مہنگی کرنے کی منظوری گزشتہ مالی سال کی دوسری سہ ماہی ایڈجسٹمنٹ کی مد میں دی گئی ہے، وفاقی حکومت کی جانب سے حتمی منظوری کی صورت میں فیصلے کا نفاذ یکم جولائی سے کیا جائے گا۔

واضح رہے کہ بجلی کی قیمت میں فی یونٹ 1 روپے 55 پیسے اضافے سے صارفین پر جی ایس ٹی سمیت 45 ارب روپے کا اضافی بوجھ منتقل ہوگا۔