ہمارے پاس اتنے وسائل نہیں کہ مکمل لاک ڈاؤن کر سکیں:وزیر اعظم عمران خان

تفصیلات کے مطابق وزیر اعظم عمران خان نے کورونا سے صحت یاب ہونے پر قوم سے خطاب کرتے ہوئے کہا کہ تیسری لہر کے دوران بہت احتیاط کی ضرورت ہے ۔ہمارے پاس اتنے وسائل نہیں کہ مکمل لاک ڈاؤن کر سکیں، ایس او پیز پر مکمل عملدرآمد کریں،ماسک کا استعمال لازمی کریں، اسپتالوں میں کورونا مریضوں میں اضافہ ہورہا ہے، ایس او پیز پر مکمل عملدرآمد کریں۔دنیا کا تجرنہ ہے کہ ماسک پہننے سے بیماری سے متاثر ہونے کا چانس کم ہوتا ہے۔

وزیر اعظم عمران خان نے مزید کہا پہلی لہر میں جو ہماری حکمت عملی تھی اس پر دنیا نے ہماری مثالیں دیں،کورونا ویکسین کی دنیا میں قلت ہو گئی ہے، جو ویکسین ہمیں ملنی تھی وہ بھی نہیں مل رہی،لہذا عوامی اجتماعات سے گریز کیا جائےاور ماسک کا استعمال لازمی کریں۔