پاکستان میں گزشتہ 6 ماہ کے دوران مہنگائی 12سے بڑھ 21 فیصد ہوگئی : ایشیائی ترقیاتی بینک 

تفصیلات کے مطابق  ایشیائی ترقیاتی بینک (اے ڈی بی )  نے ایشیائی ممالک  بارے آؤٹ لک سپلیمنٹ رپورٹ جاری  کردی ۔ 

رپورٹ میں بتایا گیا ہے کہ سری لنکا کے بعد پاکستان میں سب سے زیادہ مہنگائی کی شرح میں اضافہ ہوا ، مہنگائی اور عالمی معاشی حالات ایشیا کو متاثر کرسکتے ہیں۔

رپورٹ میں بتایا گیا ہے کہ  خطے میں سب سے زیادہ مہنگائی کی شرح سری لنکا میں ریکارڈ کی گئی  جہاں گزشتہ 6 میں مہنگائی 14 سے بڑھ کر  45 فیصد ہوگئی ۔

رپورٹ کے مطابق گزشتہ  6 ماہ میں بھارت میں مہنگائی 5.7 سے بڑھ کر 7 فیصد ، بنگلہ دیش میں مہنگائی 6.1 سے بڑھ کر 7.4فیصد جبکہ چین میں مہنگائی 1.5 سے بڑھ 2.5 فیصد  ہوگئی۔  

رپورٹ کے مطابق گزشتہ 6 ماہ میں تھائی لینڈ میں بھی  مہنگائی 2.2 سےبڑھ کر 7.7 فیصد تک پہنچ گئی ۔ 

ایشیائی ترقیاتی بینک  رپورٹ میں مزید کہا گیا ہے کہ روس یوکرائن جنگ کے باعث خطے کی شرح نمو 4.6 فیصد تک محدود رہے گ ی جبکہ  توانائی اور خوراک کی عالمی قیمتوں میں اضافہ بھی مہنگائی  کا باعث ہے ۔ 

اے ڈی بی  رپورٹ کے مطابق  پاکستان میں بھی اس سال جی ڈی پی گروتھ معتدل رہے گی اور مہنگائی کی شرح تخمینے سے زیادہ رہنے کا امکان ہے جس کی وجہ  آئی ایم ایف قرض پروگرام کی بحالی کیلئے اقدامات ہیں  جن میں بجلی کے نرخوں میں اضافہ اور تیل و  بجلی پر سبسڈی واپس لینا شامل ہے۔ 

اے ڈی بی رپورٹ میں کہا گیا ہے کہ  اگلے مالی سال پاکستان کی معاشی ترقی کی رفتار میں قدرے بہتری آئے گی ، بیرونی اور مالیاتی عدم توازن پر قابو پانے کیلئے سخت اقدامات کرنا ہونگے۔