ملک میں کورونا کے مثبت کیسز کی شرح 11فیصد سے تجاوزکرگئی

تفصیلات کے مطابق  این سی او سی کے مطابق ملک میں کورونا کی مجموعی مثبت کیسز کی شرح 11 اعشاریہ 2 فیصد کی ریکارڈ بلند ترین سطح پر پہنچ گئی ہے۔ سوات میں کورونا مثبت کیسزکی شرح 23 فیصداور سب سے زیادہ کیسز رپورٹ ہوئے ہیں، اس کے علاوہ پشاور میں کورونا مثبت کیسز کی شرح 22 فیصد جبکہ مالاکنڈ،گوجرانوالہ ، صوابی ،  سرگودھا اور سیالکوٹ میں 12 فیصد مثبت کیسز رپورٹ ہوئے ہیں۔ لاہورمیں 17، فیصل آباد اور راولپنڈی میں15،15فیصد 12،12فیصد مثبت کیسز رپورٹ ہوئے ہیں۔اس کے علاوہ منڈی بہاؤالدین میں11،گجرانوالہ میں 10،اوکاڑہ،رحیم یارخان اور ٹوبہ ٹیک سنگھ میں 9 ،بہاولپورمیں 8اور گجرات میں7فیصد مثبت کیسز رپورٹ ہوئے۔

Statistics 29 March 21:
Total Tests in Last 24 Hours: 40,369
Positive Cases: 4525 Positivity % : 11.20%
Deaths : 41

— NCOC (@OfficialNcoc) March 29, 2021

گزشتہ روز این سی اوی کی جانب سے  مُلک بھر میں تمام اقسام کی انڈور اور آؤٹ ڈور اجتماعات پر فی الفور پابندی عائد کر دی گئی  ، اجتماعات میں تمام اقسام کے سماجی ،    ثقافتی و  سیاسی اور دیگر اقسام  شامل ہیں۔ تاہم 5 اپریل سے شادی کی تقریبات پر ان ڈور اور آؤٹ ڈور مکمل پابندی عائد کی گئی ہے ۔

واضح رہے کہ ملک  میں کورونا وائرس کی تیسری لہر جاری ہے اور یومیہ کیسز اور اموات میں اضافہ دیکھا جارہا ہے جس کے باعث حکام نے ایک مرتبہ پھر سخت پابندیوں کا انتباہ دیا ہے ۔ نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق  پاکستان میں گزشتہ 24 گھنٹوں کے دوران کورونا وائرس کے مزید4 ہزار525 کیسز سامنے آئے ہیں،جبکہ ملک میں کورونا کے فعال کیسز کی تعداد 46ہزار 663ہے، اب تک کورونا کے  6 لاکھ 59ہزار 116کیسز رپورٹ ہوچکے ہیں ۔این سی اوسی کے مطابق گزشتہ  24گھنٹوں میں 2268افراد کوروناوائرس کوشکست دےچکے ہیں۔