ماہرین نے موجودہ کورونا ویکسین غیر موثر ہونے کا خدشہ ظاہر کردیا

جی این این سے خصوصی گفتگو میں کورونا ٹاسک فورس کے چیئر مین ڈاکٹر عطاالرحمان نے بتایاہے کہ ؕکورونا وائرس ہردوسےتین ہفتےبعد شکل تبدیل کررہاہے،ویکسین مختلف اشکال کو کافی حد تک کور کر لیتی ہے۔ انہوں نے خدشہ ظاہر کیا کہ اگروائرس مسلسل شکل بدلتارہا توموجودہ ویکسین  شاید کارآمد نہ رہے،اور ہوسکتا ہےہرسال نئی ویکسین بنانی پڑیں۔ ان کا کہنا ہے کہ پاکستان کودوسری ممالک سےمل کر ویکسین بنانی چاہیے۔ ڈاکٹر عطالرحمان نے سمارٹ لاک ڈاؤن کی پالیسی پر سختی سےعمل کرانے پر بھی زور دیا۔ 

دوسری جانب ملک میں کورونا سے حالات مزید سنگین ہونے لگے ، گزشتہ 24 گھنٹوں میں مزید4 ہزار5سو سے زائد مریض سامنے آگئے جبکہ پازیٹو کیسز کی شرح  دس ماہ کی بلند ترین11اعشاریہ دو ایک فیصدریکارڈ کی گئی ہے۔یہی نہیں چوبیس گھنٹے میں41 متاثرین زندگی کی بازی ہار گئے جبکہ فعال مریضوں کی تعداد46 ہزار663 تک پہنچ گئی ہے۔این سی او سی کے مطابق کورونا طوفان پنجاب میں زیادہ تباہی مچا رہا ہے۔صوبے میں ایک دن میں دوہزار309 افرادکو لپیٹ میں لےلیا۔جبکہ 17 مریض لقمہ اجل بن گئے ۔