وزیراعظم کا سعودی ولی عہد محمد بن سلمان کو خط

تفصیلات کے مطابق  وزیر اعظم  نے سعودی عرب کے ملک میں 10 ارب اور خطے میں 50 ارب درخت لگانے کے فیصلے کی تعریف کی۔وزیر اعظم عمران خان نے کہا کہ   سعودی عرب اور پاکستان کے بلین ٹری سونامی پروگرام میں مماثلت ہے، 2014 سے 2018 کے دوران ہم نے ایک ارب درخت لگائے۔ وزیراعظم عمران خان نے خط میں عزم کا اظہار کیا کہ  2023 تک 10 ارب درخت لگانے کا منصوبہ ہے۔

وزیر اعظم نے کہا کہ 15 فیصد زمینی اور 10 فیصد سمندری سطح پر پودے لگائیں گے،منصوبے سے ایکو ٹورازم کو فروغ اور ملازمتیں پیدا ہوں گی، 2030 تک 60 فیصد انرجی کو کلین انرجی پر شفٹ کررہے ہیں،سولر، ہوا اور پانی سے بجلی بنانے کی کیپیسٹی کو بڑھا رہے ہیں۔ وزیراعظم عمران خان نے کہا کہ سعودی عرب کے گرین منصوبے کی حمایت کرتے ہیں، سعودی عرب کے ساتھ مل کر کام کرنا چاہتے ہیں۔