سات دن کا بچہ کورونا کا شکار

پمز ہسپتال انتظامیہ کے مطابق اسلام آباد پمز ہسپتال میں  کورونا سے متاثر7 دن کا بچہ آکسیجن پر ہے ،بچے کو پیدائش کے وقت ماں سے کورونا ہواجبکہ ماں کی حالت بہترہے اور  وہ ہسپتال میں داخل نہیں۔

انہوں نے بتایا کہ پمز میں کورونا مریضوں کو داخل کرنے کی گنجائش کم ہونے لگی ہے، ہسپتال میں اس وقت 123 کورونا مریض آکسیجن بیڈ پر ہیں اور 50 مریض ایمرجنسی میں زیر علاج ہیں۔ اسلام آباد میں کورونا وائرس کی شرح میں خطرناک حد تک اضافہ ہورہا ہے اور گزشتہ روزبھی نومولود سے 10سال تک کے 43 بچوں کی کورونا رپورٹ مثبت آئی ہے۔