لاہور میں جنگلہ لگانے کا تنازعہ تین جانیں لے گیا

تفصیلات کے مطابق  لاہور کی  شاہ عالم مارکیٹ میں جنگلہ  لگانے  پر  گولیاں چل گئیں۔ دو گروہوں کے درمیان فائرنگ کے تبادلے میں تین افراد  زندگی کی بازی ہار گئے جبکہ  دو افراد شدید زخمی ہو گئے ہیں ۔

ایس ایچ او شہریار بٹ کا کہنا ہے کہ  پولیس کی بھاری نفری اطلاع ملتے ہی موقع پر پہنچ گئی  ، جا ں بحق ہونے والوں میں چودھری زبیر ، محمد عاطف اور محمد بوٹا شامل ہیں۔ پولیس نے لاشیں تحویل میں لیکر مردہ خانے منتقل کردیں ہیں۔

عینی شاہدین کے مطابق عامر لودھی اور عاطف قریشی گروپ کے درمیان شاہ عالم مارکیٹ میں جنگلہ لگانے  پر جھگڑا ہوا ہے۔

وزیر اعلی  عثمان بزدار نے واقعہ کا نوٹس لیتے ہوئے آئی جی پنجاب سے رپورٹ طلب کرلی ہے۔