حکومت کا پی آئی اے میں بڑی تبدیلی لانے کا فیصلہ

تفصیلات کے مطابق  حکومت نے پاکستان انٹرنیشنل ایئرپورٹ (پی آئی اے ) میں بڑی تبدیلی لانے کا فیصلہ کرلیا ہے،وزیراعظم کی ہدایت پر پی آئی اے بورڈ کیلیے نیا چیرمین لانے کی تیاریاں  شروع کردی گئیں ، چیئرمین پی آئی اے بورڈ کی تعیناتی کیلئے سمری تیار کرلی گئی  ہے۔

جی این این کے مطابق  سمری منظوری کیلئے یکم اپریل کو وفاقی کابینہ میں پیش کی جائے گی،  سمری میں چیئرمین پی آئی اے بورڈ کیلئے 3 نام تجویز کردیئے گئے ہیں ، پینل میں کیپٹن ریٹائرڈ ایم علی گردیزی کا نام سہر فہرست ہے،  نوید ایچ ملک اور اسلم آر خان کے نام تجویز میں شامل ہیں۔ چیئر مین پی آئی اے بورڈ کی تعیناتی 12 اکتوبر 2023 تک ہوگی۔