پنجاب حکومت نے کورونا لاک ڈاؤن کا نوٹیفکیشن جاری کردیا

تفصیلات کے مطابق   حکومت پنجاب نے کورونا لاک ڈاؤن کا نوٹیفکیشن جاری کردیا۔ نوٹیفکیشن کے مطابق لاہور راولپنڈی، ملتان  ، فیصل آباد ، سرگودھا ، سیالکوٹ ، شیخوپورہ  اور گجرات میں پبلک  ٹرانسپورٹ مکمل بند رہے گی ۔  ریل سروس بھی  ستر فیصد  گنجائش کے ساتھ چلے گی۔تمام شہروں میں یکم اپریل سے شادی کی تقریبات پر بھی پابندی ہو گی ۔

نوٹیفکیشن کے مطابق  صوبہ کے تمام اضلاع میں ماسک  پہننا لازمی ہو گا ۔ تمام دفاتر سرکاری اور نجی اداروں میں 50 فیصد عملہ ڈیوٹی پر آ سکے گا ۔  تمام سینما اور مزارات بھی بند رہیں گے ۔

محکمہ پرائمری اینڈ سکینڈری ہیلتھ کے مطابق   ریسٹورانٹ، شادی ہال اور کھیلوں کے میدان  بند رہیں گے ۔ نوٹیفکیشن میں مزید کہا گیا ہے کہ ضلعی انتظامیہ اور پولیس ملکر کورونا ایس او پیز  پر عملدرآمد یقینی بنائیں گی ۔ لاک ڈاون  یکم اپریل سے گیارہ اپریل تک نافذ رہے گا ۔