وفاقی کابینہ میں مزید تبدیلیوں کا امکان

تفصیلات کے مطابق  وزیراعظم عمران خان  کی بنی گالہ میں وزراء سے طویل نشستیں،  وزارتوں اور ڈویژنز کی کارکردگی پر مشاورت کی جارہی ہے۔ وفاقی کابینہ میں مزید تبدیلیوں کا امکان ہے، وزیراعظم کو ٹیکنوکریٹ کی بجائے الیکٹڈ لوگوں کو وفاقی کابینہ میں شامل کرنے کے مشورے دیے جار ہے ہیں ،وزیراعظم کا توانائی، آبی وسائل، اطاعات اور فوڈ سکیورٹی کی وزراتوں پر وزیروں سے مشورے جاری ہیں۔

جی این این کے مطابق  شبلی فراز کو توانائی سیکٹر میں شامل کرنے کا عندیہ، فواد چوہدری کو اطلاعات کی اضافی ذمہ داری بھی سونپے جانے کا امکان ہے جبکہ  اسدعمر کو بھی اضافی ذمہ داری دی جائے گی۔وزارت ہوا بازی کا قلمندان بھی تبدیل کیا جائے گا۔

ذرائع کے مطابق  جمعرات کے روز نئے چہرے وفاقی کابینہ اجلاس میں بیٹھیں گے۔

اس سے قبل  وزیر اعظم پاکستان عمران خان نے وفاقی وزیر خزانہ عبدالحفیظ شیخ کو عہدے سے ہٹادیا ہے۔وزیر اعظم نے عبد الحفیظ شیخ کو عہدہ چھوڑنے کی ہدایت کی جبکہ حماد اظہر کو وزارت خزانہ کا قلمدان سونپ دیا گیا ہے۔