لیاری گینگ وار کے سرغنہ عزیر بلوچ مزید 2مقدمات میں بری

جوڈیشل مجسٹریٹ نے جوڈیشل کمپلیکس میں لیاری گینگ وار کے سرغنہ عزیر بلوچ ودیگر کے خلاف مقدامات کی سماعت کی، عزیر بلوچ ، شاہد رحمان عرف ایم سی بی ، ذاکر ڈاڈا اور دیگر عدالت کے روبرو پیش ہوئے، 

سماعت کے دوران استغاثہ ایک بار پھر ثبوت پیش کرنے میں ناکام رہے ، گواہوں نے ملزمان کو پہچانے سے انکار کر دیا ۔ عدالت نے کہا کہ ملزمان کیخلاف اگر دوسرے مقدمات نہیں تو انہیں فوری رہا کیا جائے۔  

اس موقع پر پولیس حکام نے کہا کہ ملزمان نے 2014میں کلاکوٹ تھانے پر حملے کیے ۔ حملے کے دوران ہنگامہ آرائی اور جلائو گھیرائو کیا گیا اور ملزمان کے خلاف تھانہ کلاکوٹ میں مقدمہ درج کیا گیا تھا ۔ عدالت نےعدم ثبوت پر عزیر بلوچ اور دیگر ملزمان کو بری کردیا گیا

دوسری جانب عزیربلوچ ودیگرکےخلاف کلری تھانے میں 2012 میںہنگامہ آرائی،بلوہ جلاؤ گھیراؤاورگاڑیوں پرپتھراؤ کے الزام میں  مقدمہ درج کیا گیا تھا، کیس میں تین ملزمان طارق سیاپا،عمر کچھی اور سعید پٹھان پہلے ہی بری ہوچکے ہیں ، جبکہ عزیر بلوچ نے بھی اس مقدمے میں بریت کی درخواست دے رکھی تھی ۔ عدالت نے عزیر بلوچ کی جانب سے بریت کی درخواست منظور کرتے ہوئے فیصلہ سنا دیا۔