ٹی ٹوئنٹی ورلڈ کپ: پاکستانی ٹیم برسبین سے میلبرن پہنچ گئی

آئی سی سی ٹی ٹوئنٹی ورلڈکپ کے سپر 12 مرحلہ  کھیلنے کے لیے پاکستان کرکٹ ٹیم برسبین سے میلبرن پہنچ گئی۔

پاکستانی کرکٹ ٹیم کل سے میلبرن میں ٹریننگ کا آغاز کرے گی۔ 
 
اس سے قبل برسبین میں  ٹیم نے دو وارم آپ میچز کھیلے جہاں قومی ٹیم کو کامیابی نہیں ملی، انگلینڈ کے خلاف میچ میں پاکستان کو شکست ہوئی جب کہ افغانستان کے خلاف میچ بارش کی نذر ہوگیا۔

Brisbane ? Melbourne #WeHaveWeWill | #T20WorldCup pic.twitter.com/dbujGObnec

— Pakistan Cricket (@TheRealPCB) October 20, 2022

 ورلڈ کپ میں پاکستان ٹیم پہلا میچ روایتی حریف بھارت کے خلاف 23 اکتوبر کو کھیلے گا، میلبرن کے بعد قومی ٹیم پرتھ میں 27 اور 30 اکتوبر کو کوالیفائیرز کے خلاف میچز کھیلے گی۔