رکن قومی اسمبلی علی وزیر دہشت گردی کے مقدمے سے بری

کراچی کی انسداد دہشت گردی کی عدالت میں وزیرستان سے رکن قومی اسمبلی علی وزیر سمیت 12 ملزمان کے خلاف دہشت گردی کے مقدمے پر سماعت ہوئی۔

انسداد دہشت گردی عدالت نے فریقین کے دلائل اور شواہد کی روشنی میں علی وزیر اور دیگر کو بے گناہ قرار دیتے ہوئے بری کردیا.

کراچی پولیس نے علی وزیر اور دیگر کے خلاف 2020 میں مقدمہ درج کیا تھا، جس کے بعد علی وزیر کو پشاور سے گرفتار کرکے کراچی لایا گیا۔

گزشتہ برس نومبر میں علی وزیر، نوراللہ ترین، بصیراللہ، احسان اللہ، شیر ایوب خان، محمد شیر، جاوید رحیم، محمد طاہر عرف قاضی طاہر، ابراہیم خان، نعمت اللہ عرف عادل شاہ اور محمد سرور پر فرد جرم عائد کی گئی تھی۔