واٹس ایپ کی سروسز بحال ہونا شروع

تفصیلات کے مطابق سوشل میڈیا ایپلی کیشن واٹس ایپ کی سروسز دو گھنٹے معطل رہنے کے بعد بحال ہو گئیں۔ جس کے بعد صارفین  کے ایک دوسرے سے رابطے بحال ہو گئے ہیں ۔ 

 پاکستان، بھارت، ترکی ، اسپین سمیت دیگر یورپی ممالک  میں سروسز معطل ہوئیں ۔ 

واٹس ایپ جو سوشل میڈیا پر باہمی رابطوں کا سب سے بڑا، مقبول اور آسان ذریعہ ہے جس کے ذریعے روزانہ کروڑوں افراد ایک دوسرے سے رابطے میں آتے ہیں آج  اس کی سروس میں تعطل پیدا ہوا ۔

لوگوں کو پرسنل اور گروپ چیٹس میں پیغامات بھیجنے اور وصول کرنے میں پریشانی کا سامنا کرنا پڑا ،  انسٹنٹ میسجنگ ایپ واٹس ایپ پر صارفین  گروپ چیٹس پر پیغامات بھیجنے کے قابل نہیں رہے اور مختلف افراد کو بھیجے گئے پیغامات پر صرف ایک ٹک دکھائی دے رہا تھا۔

واٹس ایپ کی صرف اسمارٹ فون ایپ ڈاؤن نہیں  ہوئی  بلکہ واٹس ایپ ویب اور واٹس ایپ ڈیسک ٹاپ ایپس بھی ڈاؤن ہوئی تھیں ۔

واٹس ایپ دنیا بھر میں ڈاؤن ہونے کے بعد سوشل میڈیا ویب سائٹ ٹوئٹر پر فوری ٹرینڈ کر گیا تھا اور چند لمحوں میں ہی ٹاپ ٹرینڈ بن گیا۔