وزیر اعظم نے عمرہ ادا کرلیا ، ملک میں امن ،ترقی و خوشحالی کیلئے دعا

وزیر اعظم شہباز شریف اپنے دورہ سعودی عرب کے دوران مکہ مکرمہ میں عمرہ کی ادائیگی کے لئے جدہ پہنچے تو گورنر جدہ شہزادہ سعود بن عبداللہ بن جوالی نے ان کا جدہ ایئرپورٹ پر استقبال کیا ۔ وزیراعظم شہباز شریف اور انکے وفد نے عمرے کی سعدت حاصل کرلی ، وزیرخارجہ بلاول بھٹو، وزیردفاع خواجہ آصف، وزیراطلاعات مریم اورنگزیب بھی وزیراعظم کے ہمراہ تھے ۔  وزیراعظم شہباز شریف کیلئے خانہ کعبہ کا دروازہ  بھی کھولا گیا۔ 

 قبل ازیں وزیراعظم نے اپنےدورہ کے دوران فیوچر انویسٹمنٹ انیشیٹو کانفرنس میں شرکت کی اور خطاب کیا۔

وزیراعظم نے سعودی ولی عہد شہزادہ محمد بن سلمان سے ملاقات کی۔ملاقات میں  مختلف شعبوں میں دونوں ممالک کے درمیان تعلقات کو مضبوط بنانے سے متعلق امور پر تبادلہ خیال کیا گیا ۔

 یاد رہے کہ سعودی عرب کے ولی عہد شہزادہ محمد بن سلمان کی دعوت پر وزیر اعظم پاکستان میاں محمد شہباز شریف نے 25 اکتوبر 2022 کو سعودی عرب کا دورہ کیا۔