بنگلہ دیش : سمندری طوفان ست رنگ سے ہلاکتوں کی تعداد 24 ہوگئی

تفصیلات کے مطابق سمندری طوفان ست رنگ سے  مختلف حادثات میں اموات کی تعداد 24 ہوگئی ہے ،  بنگلہ دیشی حکام کے مطابق زیادہ تر اموات درختوں کے گرنے کے نتیجے میں ہوئیں جبکہ  بلند لہروں کے باعث کشتی ڈوبنے سے 8 افراد لاپتا ہوگئے۔

88 کلومیٹر فی گھنٹہ  کی رفتار سے چلنے والی ہواؤں اور بارش سے درخت گرگئے ، سڑکیں تالاب بن گئیں۔ 

سمندری طوفان کے باعث 10 ہزار گھروں کو نقصان پہنچا ، متاثرہ علاقوں کے تقریباً  ایک کروڑ صارفین بجلی سے محروم ہوگئے ہیں۔

طوفان کے زیر اثر دارالحکومت ڈھاکا، کھُلنا اور باریسال شہروں میں بھی تیز بارش ہوئی۔ 

خلیج بنگال کے سمندری طوفان کے باعث بنگلادیش میں مواصلاتی نظام متاثر ہو گیا ہے جبکہ ساحلی علاقوں سے دس لاکھ افراد  محفوظ مقاما ت پر  منتقل کر دیے گئے ہیں۔