سیاست کا فائنل راؤنڈ شروع ، نومبر میں آر پار ہوجائے گا :  شیخ رشید

تفصیلات کے مطابق سماجی رابطے کی ویب سائٹ ٹوئٹر پر  جاری بیان میں شیخ رشید نے کہا کہ جس طرح وزیر قانون سے استعفیٰ لیا گیا، اسی طرح حکومت سے الیکشن کی تاریخ لی جائے گی۔

ان کا کہنا تھا کہ غیر مقبول بھکاریوں کو کہیں سے خیرات نہیں ملے گی۔

پی ٹی آئی رہنما نے کہا کہ ارشد شریف پر مریم کے ٹوئٹ اور دیوالی کا کیک کاٹنے والے نواز شریف پر ساری قوم لعن طعن بھیج رہی ہے۔

سابق وفاقی وزیر نے کہا کہ جمعرات کو 2 بجے فیصل مسجد میں شہید کا نماز جنازہ پڑھیں گے۔

شیخ رشید نے کہا کہ جمعے کو 11 بجے لبرٹی چوک لاہور سے ظالم چوروں کے خلاف عمران خان کی قیادت میں نکلیں گے، پر امن آئینی اور قانونی احتجاج قوم کا حق ہے۔

انہوں نے مزید کہا کہ راناثناء اللہ جسے ایئرپورٹ جانے کی ہمت نہیں ہوئی، اگر اس نے طاقت استعمال کی تو اسے بھاگنے کی بھی مہلت نہیں ملے گی۔

جمعرات کو 2بجے فیصل مسجد میں شہید کا نمازجنازہ پڑھیں گے۔جمعےکو11بجے لبرٹی چوک لاہور سےظالم چوروں کے خلاف عمران خان کی قیادت میں نکلیں گے۔پرامن آئینی اورقانونی احتجاج قوم کاحق ہے۔راناثناءاللہ جسےایرپورٹ جانےکی ہمت نہیں ہوئی،اگراسنےطاقت استعمال کی تواسے بھاگنےکی بھی مہلت نہیں ملےگی

— Sheikh Rashid Ahmed (@ShkhRasheed) October 26, 2022

خیال رہے کہ گزشتہ روز سابق وزیراعظم عمران خان نے جمعہ سے لانگ مارچ کا اعلان کرتے ہوئے کہا تھا کہ لانگ مارچ کا آغاز لاہور سے ہوگا ۔  چیئرمین پی ٹی آئی  نے کہا کہ کوئی شک میں نہ رہے کہ ملک اس وقت مشکل میں ہے ، ہماری حکومت میں تین بار لانگ مارچ ہوئے ، لانگ مارچ لبرٹی چوک سے اسلام آباد جائیگا ۔